ໜັກ! ໜັກ! ໜັກພີ່ນ້ອງເອີຍ!!! ເມືອງຄົງເຊໂດນນ້ຳຖ້ວມ 60 ກວ່າບ້ານແລ້ວ ໄດ້ຮັບຜົນກະທົບໜັກໜ່ວງ

321

ນັກຂ່າວເມືອງຄົງເຊໂດນ(#ຄຳໃບ ເຂັມທອງ) ລາຍງານສະພາບນ້ຳຖ້ວມໃຫ້ຮູ້ວ່າ: ຄະນະຮັບຜິດຊອບໄພພິບັດຂັ້ນເມືອງລາຍງານສະພາບນໍ້າຖ້ວມໃນທົ່ວເມືອງຄົງເຊໂດນ ວັນທີ 3 ກໍລະກົດ 2018 ລາຍງານໃຫ້ຮູ້ວ່າ ເນື່ອງຈາກສະພາບອາກາດ ແລະ ພາຍຸດີເປຣຊັນ ເພີ່ມກໍາລັງແຮງຂື້ນ ກາຍເປັນພະຍຸໝູນເຂດຮ້ອນ ໃນຄັ້ງວັນທີ 2- 3 ກັນຍາ 2019 ນີ້ ໄດ້ເຮັດໃຫ້ມີຝົນຕົກເລີ່ມແຮງຂື້ນ ລະດັບນໍ້າເຊໂດນກໍ່ເພີ່ມຂື້ນຕາມລໍາດັບ ເຊິ່ງ 7 ໂມງຂອງເຊົ້າວັນທີ 2 ກັນຍາ ຜ່ານມາ ລະດັບນໍ້າແທກໄດ້ 8,07 ແມັດ, ວັນທີ່ 3 ກັນຍາ2019 ລະດັບນໍ້າເຊໂດນແທກໄດ້ 12,82 ແມັດ ຢູ່ໃນຂິດອັນຕະລາຍ.

ສະນັ້ນຕັ້ງແຕ່ວັນທີ 2 ກັນຍາ 2019 ຈົນຮອດປັດຈຸບັນ ເຮັດໃຫ້ລະດັບນ້ຳເຊໂດນ ແລະ ຫ້ວຍຫ້ອງຄອງບຶງສາຂາຕ່າງໆ ໄດ້ເພີ່ມຂຶ້ນຢ່າງໄວວາ ແລະ ແຜ່ຂະຫຍາຍອອກເປັນບໍລິເວນກ້ວາງ ເຮັດໃຫ້ມີສະພາບນ້ຳຖ້ວມກວມເອົາເນື້ອທີ່ 6 .328 ເຮັກຕາ, ມີ 7 ກຸ່ມ 63 ບ້ານໃນທົ່ວເມືອງ ມີ 4.670 ກວ່າຄອບຄົວ, ມີໂຮງຮຽນທີ່ຖືກຖ້ວມ 9 ແຫ່ງ, ໜອງປາທີ່ຖືກຖ້ວມ 418 ໜອງ ແລະ ສາຍໄຟຟ້າຂ້ານໍ້າເຊໂດນຖືກຕັດຂາດ, ບາງເສັ້ນທາງຄົມມະນາຄົມຖືກຕັດຂາດ ການສັນຈອນຂອງປະຊາຊົນພົບຄວາມຫຍຸ້ງຍາກ. ເຊິ່ງປັດຈຸບັນຄະນະນໍາ ແລະ ທີມງານຄຸ້ມໄພພິບັດຂັ້ນເມືອງ ພ້ອມດ້ວຍສອງກໍາປ້ອງກັນຊາດ ໄດ້ລົງໄປໃນພື້ນທີ່ບ້ານທີ່ມີຄວາມສ່ຽງສຸດ ຢູ່ທີ່ກຸ່ມແກ້ວງຫວດ ແລະ ກຸ່ມແກ້ງໂຄນ ເພື່ອໄປຊ່ວຍເຫຼືອເຄື່ອນຍ້າຍໄປທີ່ສູງ ແລະ ຈຸດທີ່ປອດໄພ.

ປັດຈຸບັນໄດ້ຮັບການອຸປະຖຳຈາກພາກສ່ວນຕ່າງໆເປັນຕົ້ນຈາກສະພາປະຊາຊົນແຂວງ ມອບນໍ້າດື່ມ 10 ແກັດ, ໝີ 10 ແກັດ ຢູ່ທີ່ຈຸດລະດົມບ້ານຫວຍເຊົາ ສ່ວນລາຍລະອຽດຫຼືຜົນເສຍຫາຍແມ່ນຍັງປະມືນບໍ່ໄດ້ເທື່ອ ເນື່ອງຈາກວ່າສະພາບອາກາດແມ່ນຍັງບໍ່ທັງປົກກະຕິ ແລະ ນໍ້າເຊໂດນຍັງສືບຕໍ່ເພີ່ມຂື້ນເລື້ອງໆ ອາດຈະມີຫຼາຍບ້ານຖືກຖ້ວມເພີ່ມອີກ.