ເສັ້ນທາງນາບໍ່ເມືອງເຊໂປນ-ວິລະບູລີ ນ້ຳຖ້ວມຫຼາຍຈຸດ

319

ແຫຼ່ງຂ່່າວຈາກເມືອງວິລະບູລີ ແຂວງສະຫວັນນະເຂດ ໄດ້ໃຫ້ຮູ້ໃນຕອນເຊົ້າວັນທີ 3 ກັນຍາ 2019 ນີ້ວ່າ: ປະຊາຊົນທີ່ຢູ່ລຽບຕາມສາຍເຊກອກ, ເຊບາຍ, ເຊນ້ອຍ ແລະ ສາຍຫ້ວຍຕ່າງໆ ກຽມພ້ອມຮັບມືກັບພາຍຸດີເປຣເຊິນ ໄດ້ສົ່ງຜົນເຮັດໄຫ້ມີຝົນຕົກໜັກ ແລະ ຕົກສະສົມເປັນເວລາຫຼາຍຊົ່ວໂມງ ແລະ ຫຼາຍວັນ ອາດສົ່ງຜົນກະທົບໂດຍກົງຕໍ່ການເດີນທາງເຂົ້າອອກເມືອງວິລະບູລີ ແລະ ອາດສົ່ງກະທົບຕໍ່ການດຳລົງຊີວິດ ແລະ ເນື້ອທີ່ທຳການຜະລິດ, ປະຈຸບັນເສັ້ນທາງແຕ່ນາບໍ່ ເມືອງເຊໂປນ ຫາເມືອງວິລະບູລີ ແຂວງສະຫວັນນະເຂດ ລົດໃຫຍ່, ລົດໂດຍສານ ແລະ ລົດຂົນສົ່ງຕ່າງໆ ແມ່ນພົບຄວາມຫຍຸ້ງຍາກ ລະດັບນ້ຳພວມໄຫຼເຂົ້າຖ້ວມເສັ້ນທາງຫຼາຍຈຸດ. ຄາດວ່າ ຫາກຝົນຍັງສືບຕໍ່ຕົກຕື່ມອີກ ເສັ້ນທາງດັ່ງກ່າວອາດຖືກຕັດຂາດເປັນຮອບທີ 3 ຂອງປີ 2019.

ປັດຈຸບັນລະດັບນ້ຳເຊກອກ ແມ່ນຮອດເຂດລະວັງໄພແລ້ວ, ວັດແທກໄດ້ 8,51 ແມັດ ແລະ ມີທ່ວງທ່າຈະເພີ່ມຂຶ້ນຢ່າງໄວວາ ສະເລ່ຍຊົ່ວໂມງລະ 0,28 ແມັດ.