ຄອບຄົວທີ່ໄດ້ຮັບຜົນກະທົບຈາກໄຟຟ້າລັດວົງຈອນ ໄດ້ຮັບເຄື່ອງຊ່ວຍເຫຼືອ

357

ໃນຄັ້ງວັນທີ 21 ສິງຫາ 2019 ທ່ານ ຄໍາພັນ ພະນິນທອງ ຮອງເຈົ້າເມືອງພູຄູນ ແລະ ທ່ານ ນາງ ວິໄລ ອົງມີໄຊ ຮອງຫ້ອງການແຮງງານ ແລະ ສະຫວັດດີການ-ສັງຄົມເມືອງພູຄູນ ແຂວງຫຼວງພະບາງ ພ້ອມທິມງານ ໄດ້ນຳເອົາເຄື່ອງບັນເທົ່າທຸກຈຳນວນໜຶ່ງ ເພື່ອໄປມອບໃຫ້ແກ່ຄອບຄົວພໍ່ແມ່ປະຊາຊົນບ້ານລ້ອງໂປດ, ກຸ່ມບ້ານຈີມ, ເມືອງພູຄູນ ແຂວງ ຫຼວງພະບາງຈຳນວນ 4 ຄອບຄົວ,ຈຳນວນພົນ 14 ຄົນ,ຍິງ 5 ຄົນທີໄດ້ຮັບຜົນກະທົບຈາກອັກຄີໄພ ( ໄຟຟ້າລັດວົງຈອນ ) ໃນເວລາ 9 ໂມງຂອງວັນທີ 11 ສິງຫາ 2019 ຜ່ານມາ.

ອັກຄີໄພທີ່ເກີດຂຶ້ນຄັ້ງນີ້ໄດ້ສ້າງຄວາມເສຍຫາຍແກ່ຊັບສິນຂອງປະຊາຊົນເປັນຕົ້ນ: ບ່ອນຢູ່ອາໄສ, ເຄື່ອງໃຊ້ໃນຄົວເຮືອນ ລວມມູນຄ່າເສຍຫາຍທັງໝົດ 158  ລ້ານກວ່າກີບ. ຕໍ່ຄວາມຈຳເປັນ ແລະ ຫຍຸ້ງຍາກຂອງພໍ່ແມ່ປະຊາຊົນ ຄະນະນຳຂອງເມືອງຈິ່ງໄດ້ນຳເອົາເຄື່ອງຊ່ວຍເຫຼືອມອບໃຫ້ຄອບຄົວທີ່ໄດ້ຮັບຜົນກະທົບເຊິ່ງປະກອບມີ: ສັງກະສີ 150 ແຜ່ນ,ເຂົ້າສານ 250 ກິໂລ, ເງິນສົດ 4 ລ້ານກີບ ແລະ ເຄື່ອງໃຊ້ຄົວເຮືອນຈຳນວນໜຶ່ງ ລວມມູນຄ່າທັງໝົດ 12 ລ້ານກວ່າກີບ. ນອກນີ້, ຍັງມີຫຼາຍພາກສ່ວນທີ່ເຫັນຄວາມຈຳເປັນ ແລະ ນຳເອົາເຄື່ອງໃຊ້ຄົວເຮືອນ ແລະ ເຄື່ອງນຸ່ງຫົມ ນໍາໄປຊ່ວຍເຫຼືອປະຊາຊົນທີ່ໄດ້ຮັບຜົນກະທົບໃນຄັ້ງນີ້, ປັດຈຸບັນທຸກພາກສ່ວນ ແລະ ການຈັດຕັ້ງບ້ານໄດ້ພ້ອມກັນສ້າງທີ່ຢູ່ອາໄສໃຫ້ໃໝ່ໃຫ້ແກ່ຄອບຄົວທີໄດ້ຮັບຜົບກະທົບ ໃຫ້ມີທີຢູ່ອາໄສ.