ໄພລັດ ຄວ້າຫຼຽນຄຳທີ 2 ໃຫ້ທັບນັກກິລາລາວ ພ້ອມປ້ອງກັນແຊ໋ມສະໄໝທີ 3 ໃນກີລາເກມ

112

ໜັງສືພິມສຶກສາ-ກິລາລາຍວັນ ລາຍງານວ່າ: ໄພລັດ ທຳມະວົງສາ  ລົງແຂ່ງຂັນໂວວີນາມ ຟ້ອນດ່ຽວຊາຍມີອຸປະກອນ (ກະບອງ) ສາມາດທຳການສະແດງຮອບຊີງຫຼຽນຄຳ ໃນຮ່າໂນ້ຍ ເກມ.

ໄພລັດ ທຳມະວົງສາ ບໍ່ເຮັດໃຫ້ພໍ່ແມ່ປະຊາຊົນຊາວລາວ ຜິດຫວັງ ສາມາດຟ້ອນກະບອງຄູ່ໃຈ ຊະນະໃຈກຳມະການເທຄະແນນໃຫ້ລາວ 89, 89 ແລະ 90 ຄະແນນ ລວມ 268 ຄະແນນ ເປັນອັນດັບທີ 1 ຄວ້າຫຼຽນຄຳທີ 2 ໃຫ້ທັບນັກກິລາລາວ ພ້ອມທັງເປັນການປ້ອງກັນແຊ໋ມສະໄັໝທິ 3 ຮ່າໂນ້ຍ ເກມ.


ສຳລັບລາຍການດັ່ງກ່າວ ມີ 6 ຊາດ ເຂົ້າຮ່ວມ ຜົນປະກົດວ່າ ອັນດັບທີ 1 ຫຼຽນຄຳ ລາວ ໄດ້ 268 ຄະແນນ, ທີ 2 ຫຼຽນເງິນ ມຽນມາ ໄດ້ 264 ຄະແນນ ແລະ ທີ່ 3 ຫຼຽນທອງຮ່ວມ ແມ່ນອິນໂດເນເຊຍ ແລະ ກຳປູເຈຍ ທີ່ໄດ້ຄະແນນເທົ່າກັນ 259 ຄະແນນ.

ຫຼຽນຄຳຄັ້ງນີ້ຂອງໄພລັດ ຍັງເປັນການປ້ອງກັນແຊ໋ມສະໄໝທີ 3 ໃນກີລາເກມ ນຳອີກ