ເລີ່ມມື້ນີ້ ປັບລາຄານໍ້າມັນຂຶ້ນ ແອັດຊັງພິເສດຂຶ້ນ 1.110ກີບ, ແອັດຊັງທຳມະດາ ຂຶ້ນ910ກີບ ແລະ ກາຊວນຂຶ້ນ 930 ກີບຕໍ່ລິດ

135
ທັນຂ່າວ

ກະຊວງອຸດສາຫະກຳ ແລະການຄ້າ ໄດ້ອອກແຈ້ງການເລກທີ 0506/ ອຄ ລົງວັນທີ29 ເມສາ 2022 ເຖິງສະມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ; ເລື່ອງແຈ້ງຂຶ້ນລາຄາຂາຍຍ່ອຍນໍ້າມັນເຊື້ອໄຟໃນຂອບເຂດທົ່ວປະເທດ.


ການປັບຂຶ້ນລາຄານໍ້າມັນເຊື້ອໄຟຄັ້ງນີ້ ແມ່ນໄດ້ປັບຂຶ້ນລາຄາຂາຍຍ່ອຍນໍ້າມັນເຊື້ອໄຟທຸກຊະນິດຄື: ແອັດຊັງພິເສດຂຶ້ນ 1.110ກີບຕໍ່ລິດ, ແອັດຊັງທຳມະດາ ຂຶ້ນ910ກີບຕໍ່ລິດ ແລະ ກາຊວນຂຶ້ນ 930 ກີບຕໍ່ລິດ.ລາຄາໃໝ່ນີ້ແມ່ນເລີ່ມຈັດຕັ້ງປະຕິບັດ ແຕ່ເວລາ6:00ໂມງ ຂອງວັນທີ30 ເມສາ 2022.


ການປັບລາຄາຄັ້ງນີ້ ເຮັດໃຫ້ນໍ້າມັນແອັດຊັງພິເສດຢູ່ນະຄອນຫຼວງວຽງຈັນປັບຂຶ້ນເປັນ20.610ກີບຕໍ່ລິດ, ແອັດຊັງທຳມະດາ18.060ກີບຕໍ່ລິດ ແລະກາຊວນ 18.000ກີບຕໍ່ລິດ