ອາກາດຍັງໜາວຕໍ່! ອຸຕຸຄາດອາທິດນີ້ອຸນຫະພູມຈະເຢັນລົງອີກ 1 ຫາ 2 ອົງສາ

642

ອຸຕຸຄາດອາທິດນີ້ ອາກາດຍັງຈະໜາວເຢັນລົງ 1 ຫາ 2 ອົງສາ ໃນແຕ່ລະພາກ ເນື່ອງມວນອາກາດໜາວເຢັນທີ່ປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ.

ກົມອຸດຕຸນິຍົດມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 10 ຫາ 16 ກຸມພາ 2020: ໃນໄລຍະວັນທີ່ 10 ຫາ 14 ກຸມພານີ້ ມວນອາກາດໜາວເຢັນທີ່ປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ ພ້ອມດຽວກັນກະແສລົມຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອາກາດເຢັນຫາໜາວເຢັນ ລົງ 1 ຫາ 2 ອົງສາ ພ້ອມມີລົມພັດແຮງເປັນບາງໂອກາດຢູ່ໃນແຕ່ລະພາກ ແລະຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ ລົງຫາພາກກາງ ແລະ ພາກໃຕ້. ຈາກນັ້ນໃນໄລຍະວັນທີ 15 ຫາ 16 ກຸມພາ 2020 ຄວາມກົດດັນສູງຂອງອາກາດເຢັນທີ່ປະເທດຈີນ ຈະອ່ອນກໍາລັງລົງເລັກນ້ອຍແຜ່ລົງມາປົກ ຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ ເຊິ່ງຈະເຮັດໃຫ້ອາກາດຍັງສືບຕໍ່ເຢັນ ຫາ ໜາວເຢັນໃນຕອນກາງຄືນຫ້າຕອນເຊົ້າຢູ່ໃນແຕ່ລະພາກ ແລະ ຢູ່ແຂວງພາກເໜືອເຂດພູສູງ, ຮ່ອມພູ ແລະ ພູດອຍ, ແຂວງ ພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຍັງຈະໜາວ ຫາ ໜາວເຢັນຫຼາຍ ພ້ອມມີໝອກໝາປົກຫຸ້ມໃນຕອນເຊົ້າ ແລະ ຄາດຄະເນສະພາບອາກາດ ໃນແຕ່ລະດັ່ງລຸ່ມ.