ຕ້ານໄວຣັສສາຍພັນໃໝ່! ການບິນລາວກຽມປິດ 3 ເສັ້ນບິນ ໄປປະເທດຈີນນັບແຕ່ມື້ນີ້

914

ໜັງສືພິມວຽງຈັນທາມ ລາຍງານວ່າ ສາຍການບິນແຫ່ງຊາດ ລາວແອລາຍ (Lao Airlines) ຍົກເລີກຊົ່ວຄາວ ຖ້ຽວບິນຫຼາຍສາຍ ຈາກ ນະຄອນຫຼວງວຽງຈັນ ໄປຫາ ສປ ຈີນ ໃນ 3 ເສັ້ນທາງ ປະກອບມີ: ວຽງຈັນ ສາງໂຈວ (Vientiane-Changzhou) ເລີ່ມຕັ້ງແຕ່ວັນທີ 08 ກຸມພາ 2020 ເປັນຕົ້ນໄປ ຈົນກ່ວາຈະມີການແຈ້ງ ການປ່ຽນແປງໃໝ່.

"/

ວຽງຈັນ – ຫາງໂຈ ເລີ່ມວັນທີ 05 ກຸມພາ 2020 ຈົນກ່ວາຈະມີການແຈ້ງການປ່ຽນແປງໃໝ່ ແລະ ວຽງຈັນ – ຊຽງໄຮ້ ຍົກເລີກ ຕັ້ງແຕ່ວັນທີ 29 ມັງກອນ ແລະ ຈະມີການແຈ້ງໃຫ້ຊາບຕື່ມ ພາຍຫຼັງໄດ້ຮັບແຈ້ງການຈາກລັດຖະບານ ສປ ຈີນ. ສ່ວນເສັ້ນທາງ ວຽງຈັນ ຄຸນໜິງ ແລະ ກວາງໂຈ ແມ່ນຈະຍັງເປີດໃຫ້ບໍລິການ ຕາມປົກກະຕິ.

"

ສປປ ລາວ ມີເສັ້ນທາງການບິນໄປຫາ ສປ ຈີນຢູ່ທັງໝົດ 9 ເສັ້ນທາງ ປະກອບມີ: ຄຸນມິງ, ກວາງໂຈ, ຊາງໂຈ, ຊາງສາ, ຊາງໄຮ້, ເວີນໂຈ ແລະ ເຊີນຕູ,​ ຈາກນະຄອນຫຼວງພະບາງ ໄປຫາ ຊາງສາ ແລະ ຊຽງຮຸງ.

"/