ປີ2050ມະນຸດຈະໄປຢຽບດາວອັງຄານຫຼາຍເຖິງ1ລ້ານຄົນ

602

ອີລອນ ມັດ ໃຫ້ຮູ້ວ່າ:ມະນຸດອາດຈະໄດ້ໄປຢຽບດາວອັງຄານພາຍໃນປີ2050ໂດຍອາດຈະພາໄປໄດ້ຫຼາຍເຖິງ1ລ້ານຄົນ.

ທ່ານ ອີລອນ ມັດ ຜູ້ອໍານວຍການໃຫຍ່ບໍລິສັດເທັກໂນໂລຢີດ້ານອະວະກາດສະເປດເອັກກ່າວວ່າ:ໃນທາງທິດສະດີ,ເປົ້າໝາຍຂອງສະເປດເອັກຄືການສ້າງຍານອະວະກາດສໍາລັບຂົນສົ່ງມະນຸດໄປດາວອັງຄານໃຫ້ໄດ້100ລໍາຕໍ່ປີຫຼື1.000ລໍາໃນໜຶ່ງທົດສະວັດ.

ອີລອນ ມັດຕ້ອງການຈະສົ່ງມະນຸດປະມານ100.000ຄົນໄປດາວອັງຄານເມື່ອໄລຍະເວລາທີ່ດາວອັງຄານໂຄຈອນເຂົ້າໃກ້ໂລກຫຼາຍທີ່ສຸດມາເຖິງໂດຍເຫດການດັ່ງກ່າວຈະເກີດຂຶ້ນທຸກໆ26ເດືອນເຊິ່ງສະຖາບັນວິໄຈວິທະຍາສາດແຫ່ງຊາດອາເມຣິກາລະບຸວ່າທຸກໆ26ເດືອນ,ດາວອັງຄານຈະໂຄຈອນມາຢູ່ໃນຕໍາແໜ່ງກົງກັນຂ້າມກັບດວງຕາເວັນເຮັດໃຫ້ສາມາດແນມເຫັນດາວອັງຄານແຈ້ງຫຼາຍກວ່າໄລຍະເວລາອື່ນໆ.

ໂດຍຍານອະວະກາດຈະອອກຈາກວົງໂຄຈອນຂອງໂລກທຸກໆ30ມື້ເພື່ອໃຫ້ໄປເຖິງໄລຍະເວລາທີ່ໂລກ ແລະ ດາວອັງຄານໂຄຈອນໃກ້ໂລກທີ່ສຸດເຊິ່ງຈະເປັນປະໂຫຍດຕໍ່ການຂົນສົ່ງມະນຸດ,ທັງນີ້ຫຼັງຈາກການປະກາດທາງສື່ຕ່າງໆມີຄົນຖາມວ່າພາຍໃນປີ2050ຈະພາ1ລ້ານຄົນເດີນທາງໄປດາວອັງຄານໄດ້ແມ່ນບໍ່,ອີລອນ ມັດ ຕອບວ່າແມ່ນ.