ໄຂ້ຫວັດໃຫຍ່ລະບາດໃນອາເມຣິກາມີຜູ້ສັງເວີຍເກືອບພັນຄົນ

393

ສູນຄວບຄຸມ ແລະ ປ້ອງກັນພະຍາດແຫ່ງຊາດອາເມຣິກາລາຍງານວ່າ:ໄຂ້ຫວັດໃຫຍ່ລະບາດໜັກໃນ30ລັດຂອງອາເມຣິກາເຮັດໃຫ້ມີຜູ້ເສຍຊີວິດແລ້ວເກືອບ2.000ຄົນໂດຍເປັນເດັກນ້ອຍ19ຄົນ.

ຂະນະນີ້ໄຂ້ຫວັດໃຫຍ່ກໍາລັງລະບາດຢ່າງຮ້າຍແຮງທົ່ວທຸກພາກຂອງອາເມຣິກາໂດຍສູນຄວບຄຸມ ແລະ ປ້ອງກັນພະຍາດແຫ່ງຊາດອາມເຣິກາຊີ້ວ່າ:ປັດຈຸບັນມີການແຈ້ງການເກືອບທຸກລັດວ່າຈໍານວນການຕິດພະຍາດ ແລະ ລະບາດຂອງໄຂ້ຫວັດໃຫຍ່ເພີ່ມຫຼາຍຂຶ້ນເຊິ່ງຕົວເລກຄາດຄະເນວ່່າຂອງຜູ້ທີ່ຕິດພະຍາດດັ່ງກ່າວມີປະມານ3,4ລ້ານຄົນໂດຍມີຜູ້ທີ່ຕ້ອງເຂົ້າຮັບການປິ່ນປົວໃນໂຮງໝໍແລ້ວ32.000ຄົນ ແລະ ເສຍຊີວິດ1.900ຄົນ.

ຄົນເຈັບປ່ວຍສ່ວນໃຫຍ່ທີ່ເຂົ້າຮັບການປິ່ນປົວຈາກການຕິດພະຍາດໄຂ້ຫວັດໃຫຍ່ເຊິ່ງເປັນສາຍພັນທີ່ມັກພົບໃນໄລຍະທ້າຍລະດູການໄຂ້ຫວັດໃຫຍ່ຫຼືທ້າຍເດືອນ ມັງກອນບໍ່ແມ່ນເດືອນ ພະຈິກ ແລະ ເດືອນ ທັນວານີ້.

ຢ່າງໃດກໍຕາມເຖິງວ່າທຸກຄົນມີຄວາມສ່ຽງທີ່ຈະໄດ້ຮັບພະຍາດເຊັ່ນດຽວກັນ,ແຕ່ເທົ່າທີ່ມີການເກັບກໍາຂໍ້ມູນພົບວ່າເດັກນ້ອຍ ແລະ ໄວໜຸ່ມເປັນກຸ່ມທີ່ໄດ້ຮັບເຊື້ອຫຼາຍທີ່ສຸດ.