ພະຍາດໝູອາຟຣິກາລະບາດຮ້າຍແຮງທົ່ວອາຊີ

353

ອົງການພະຍາດລະບາດສັດສາກົນລາຍງານວ່າພະຍາດອາຟຣິກາລະບາດທົ່ວອາຊີໂດຍມີຫວຽດນາມ ແລະ ຟີິລິບປິນ ລະບາດຮ້າຍແຮງທີ່ສຸດ.

ກະຊວງກະສິກໍາຂອງອິນໂດເນເຊຍໃຫ້ຮູ້ວ່າ:ມີໝູເກືອບ30.000ໂຕຕາຍເນື່ອງຈາກຕິດພະຍາດຮ້າຍດັ່ງກ່າວໃນແຂວງ ສຸມາດຕາເໜື້ອ.

ດ້ານອົງການພະຍາດລະບາດສັດສາກົນລະບຸວ່າ:ເຖິງວ່າພະຍາດຮ້າຍນີ້ຈະບໍ່ເປັນອັນຕະລາຍຕໍ່ມະນຸດ,ແຕ່ກໍໃຫ້ໝູຈໍານວນຫຼາຍຕາຍພາຍໃນ2-3ມື້ໄດ້ໂດຍອັດຕາການລອດຊີວິດຂອງໝູເກືອບເປັນສູນ.

ຈົນເຖິງຂະນະນີ້,ການລະບາດທີ່ຮ້າຍແຮງທີ່ສຸດເກີດຂຶ້ນຢູ່ຈີນ,ແຕ່ມີຄວາມກັງວົນວ່າອາດຈະເກີດການລະບາດໄປທົ່ວອາຊຽນໂດຍຈຸດທີ່ພົບການລະບາດທີ່ຮ້າຍແຮງທີ່ສຸດບາງສ່ວນໃນພາກພື້ນນີ້ຢູ່ຫວຽດນາມ ແລະ ຟີລິບປິນ.

ອົງການອາຫານ ແລະ ກະສິກໍາແຫ່ງສະຫະປະຊາຊາດລາຍງາຍວ່າ:ຍັງພົບການລະບາດຂອງພະຍາດນີ້ໃນມົງໂກລີ,ກໍາປູເຈຍ,ສ.ເກົາຫຼີ,ສປປ ເກົາຫຼີ,ມຽນມາ ແລະ ຕິມໍຕາເວັນອອກນໍາອີກ.