ຖອດຖອນຜູ້ນໍາອາເມຣິກາບໍ່ງ່າຍກວ່າທີ່ຄິດ

368

ການຖອດຖອນທ່ານ ໂດນັນ ທຣໍາ ປະທານາທິບໍດີອາເມຣິກາບໍ່ງ່າຍເນື່ອງຈາກເມື່ອສະມາຊິກສະພາເຫັນດີ,ແຕ່ຖ້າສະມາຊິກວຸດທິສະພາບໍ່ເຫັນດີກໍລົງມະຕິດ້ວຍສຽງສ່ວນຫຼາຍຍົກເລີກເລີຍກໍໄດ້ ແລະ ເນື່ອງຈາກຜູ້ນໍາອາເມຣິກາມີອໍານາດທາງການເມືອງ,ສໍານັກງານປະທານາທິບໍດີກໍອາດເປັນຜູ້ກໍານົດກົດລະບຽບໃນການພິຈາລະນາຄະດີເອງກໍໄດ້.

ປະທານາທິບໍດີ ທຣໍາ ປະເຊີນກັບການລົງມະຕິຖອດຖອນອອກຈາກຕໍາແໜ່ງໂດຍສະພາເມື່ອກາງອາທິດນີ້,ໃນປະຫວັດສາດອາເມຣິກາມີປະທານາທິບໍດີພຽງ2ຄົນເທົ່ານັ້ນທີ່ເຂົ້າສູ່ຂະບວນການຖອດຖອນເຊັ່ນ ແອນດຣູ ຈອນສັນເມືີ່ອປີ1868 ແລະ ບິວ ຄລິນຕັນເມື່ອປີ1998ແຕ່ທັງສອງຄົນກໍລອດໃນຊັ້ນວຸດທິສະພາບໍ່ຖືກຖອດຖອນອອກຈາກຕໍາແໜ່ງປະທານາທິບໍດີ,ສ່ວນຣິຊາດ ນິກສັນ ນັ້ນປະກາດລາອອກໄປກ່ອນຖືກຖອດຖອນຢ່າງເປັນທາງການ.

ຂະບວນການຖອດຖອນທຣໍາໄດ້ຂໍ້ມູນຈາກວັນທີ12ເດືອນ ສິງຫາເມື່ອບຸກຄົນນິລະນາມຄົນໜຶ່ງໃນວົງການຕໍາຫຼວດລັບລາຍງານວ່າ:ທ່ານ ທຣໍາ ໃຊ້ອໍານາດບໍ່ຖືກຕ້ອງໃນຖານະປະທານາທິບໍດີກົດດັນໃຫ້ຜູ້ນໍາອູແກຣນແຊກແຊງການເລືອກຕັ້ງອາເມຣິກາໃນປີ2020.

ຫຼັງຈາກເປີດຮັບຟັງຄໍາໃຫ້ການແລ້ວ,ຄະນະກໍາມາທິການຍຸດຕິທໍາຂອງສະພາເຫັນດີ2ບົດບັນຍັດຖອດຖອນທຣໍາໂທດຖານໃຊ້ອໍານາດບໍ່ຖືກຕ້ອງ ແລະ ຂັດຂວາງການເຮັດວຽກຂອງສະພາ.