ຄາດອາເມຣິກາ-ຈີນບໍ່ສາມາດຕົກລົງເລື່ອງການຄ້າໃນປີນີ້

324

ສໍານັກຂ່າວຣອຍເຕີລາຍງານວ່າ:ອາເມຣິກາ ແລະ ຈີນອາດຈະບໍ່ສາມາດບັນລຸຂໍ້ຕົກລົງການຄ້າໄລຍະທໍາອິດພາຍໃນປີນີ້ໄດ້.

ຣອຍເຕີລາຍງານໂດຍອ້າງຜູ້ຊ່ຽວຊານດ້ານການຄ້າ ແລະ ບຸກຄົນໃກ້ຊິດກັບທ່ານ ໂດນັນ ທຣໍາ ປະທານາທິບໍດີອາເມຣິກາວ່າ:ການບັນລຸຂໍ້ຕົກລົງການຄ້າໄລຍະທໍາອິດອາດຈະມີການເລື່ອນອອກໄປເປັນປີໜ້າ,ຂະນະທີີ່ຈີນຕ້ອງການໃຫ້ອາເມຣິກາຍົກເລີກພາສີຫຼາຍຂຶ້ນ.

ນອກຈາກນີ້,ໜັງສືພິມ ວໍສະຕຣີດ ເຈີນັນ ຍັງລາຍງານໂດຍອ້າງອະດີດເຈົ້າໜ້າທີ່ໃນລັດຖະບານທີ່ໃຫ້ຮູ້ວ່າ:ການເຈລະຈາການຄ້າໃນຂະນະນີ້ກໍາລັງປະເຊີນພາວະຝືດເຄື່ອງ,ນອກຈາກນີ້,ປະທານາທິບໍດີ ທຣໍາ ຂູ່ທີ່ຈະເກັບພາສີເພີ່ມຂຶ້ນອີກຕໍ່ສິນຄ້ານໍາເຂົ້າຈາກຈີນຫາກອາເມຣິກາ ແລະ ຈີນຍັງບໍ່ສາມາດຕົກລົງການຄ້າເຊິ່ງຄໍາຂູ່ດ່ັງກ່າວເກີດຂຶ້ນຂະນະທີ່ທ່ານ ທຣໍາ ເຂົ້າຮ່ວມກອງປະຊຸມລັດຖະມົນຕີເມື່ອບໍ່ດົນມານີ້.

ຢ່າງໃດກໍຕາມບັນຫາການຄ້າລະຫວ່າງສອງປະເທດກໍາລັງສົ່ງຜົນກະທົບຕໍ່ເສດຖະກິດອາເມຣິກາ ແລະ ນັກການເມືອງອາເມຣິກາບາງສ່ວນຮຽກຮ້ອງໃຫ້ປະທານາທິບໍດີລົງນາມໃນຂໍ້ຕົກລົງທາງການຄ້າໄລຍະທໍາອິດເພື່ອຊ່ວຍເຫຼືອກະສິກອນຂອງອາເມຣິກາເຊິ່ງຖືກຜົນກະທົບຈາກການທີ່ຈີນໃຊ້ນະໂຍບາຍພາສີໂຕ້ຕອບເຊັ່ນກັນ.