ລັດຄາລິຟໍເນຍ ປະກາດສະຖານະການສຸກເສີນວິກິດໄຟປ່າ ພ້ອມສັ່ງອົບພະຍົບປະຊາຊົນເພີ່ມອີກ

278

ສຳນັກຂ່າວຕ່າງປະເທດລາຍງານຈາກເມືອງລອສ ແອນເຈິ ສະຫະລັດອາ ເມລິກາ ເມືອວັນຈັນ ທີ 28 ຕຸລາ ວ່າ ທ່ານກາວິນ ນິວຊອມ ເຈົ້າຄອງລັດຄາລິຟໍເນຍ ລົງນາມປະກາດສະຖານະການສຸກເສີນຈາກໄພພິບັດທາງທຳມະຊາດ ເມື່ອວັນອາທິດ ຜ່ານມາ ເນື່ອງຈາກວິກິດໄຟປ່າຮຸນແຮງຫຼາຍຈຸດ ທາງພາກເໜືອຂອງລັດຄາລິຟໍເນຍ ເຂດອ່າວຊານຟານຊິສໂກ ແລະ ມີທ່າອ່ຽງທີ່ຈະເປັນໄພຄຸກຄາມເຂົ້າສູ່ເຂດໂຊໂມນາ ທີ່ຢູ່ໃກ້ກັນ ແລະ ເປັນໜຶ່ງໃນຂົງເຂດປູກອາຫງຸ່ນສຳລັບຜະລິດວາຍສຳຄັນຂອງປະເທດ ໂດຍສະເພາະໄຟປ່າ “ຄິນເຄດ” ເຊິ່ງເປັນໄຟປ່າທີ່ມີຂະໜາດໃຫຍ່ທີ່ສຸດ ໃນບັນດາໄຟປ່າ ກວ່າ 20 ແຫ່ງ ທີ່ກຳລັງລຸກໄໝ້ໃນປະຈຸບັນ ໂດຍເຜົາທຳລາຍພື້ນທີ່ໄປແລ້ວຫຼາຍກວ່າ 12 ພັນເຮັກຕ້າ ແຕ່ເຈົ້າໜ້າທີ່ສາມາດຄວບຄຸມສະຖານະການໄດ້ພຽງ 10% ເທົ່ານັ້ນ.

ในภาพอาจจะมี กลางคืน, ท้องฟ้า, ไฟ, ต้นไม้ และสถานที่กลางแจ้ง

ในภาพอาจจะมี หนึ่งคนขึ้นไป, ผู้คนกำลังยืน, ท้องฟ้า และสถานที่กลางแจ้ง

ຂະນະທີ່ ທຸກຝ່າຍມີຄວາມກັງວົນ ວ່າ ໄຟປ່າຄິນເຄດ ຈະໄໝ້ລາມເຂົ້າສູ່ເຂດສວນອາງຸ່ນ ແລະ ໂຮງກັ່ນວາຍ ” ໂຊດາ ຮັອກ” ທີ່ມີອາຍຸເກົ່າແກ່ 150 ປີ ໂດຍໄຟປ່າຄິນເຄດ ເລີ່ມລຸກໄໝ້ເມື່ອກາງອາທິດ ທີ່ຜ່ານມາ ແລະ ຂະຫຍາຍຂອບເຂດຢ່າງວ່ອງໄວ ເນື່ອງຈາກມີກະແສລົມແຮງ 145 ກິໂລແມັດຕໍ່ຊົ່ວໂມງ ແລະ ສະພາບອາກາດແຫ້ງແລ້ງທີ່ສຸດ. ນອກຈາກນີ້, ການທີ່ສະຖານະການຍັງຢູ່ໃນຂັ້ນວິກິດ ສົ່ງຜົນໃຫ້ທາງການອອກຄຳສັ່ງເພີ່ມການອົບພະຍົບປະຊາຊົນຈາກ 1,3 ແສນຄົນ ເມື່ອທ້າຍອາທິດຜ່ານມາ ເປັນ 1,8 ແສນຄົນ, ໂດຍມີເຈົ້າໜ້າທີ່ຈາກກອງບັນຊາການປ້ອງກັນແຫ່ງລັດຄາລິຟໍເນຍໄດ້ອອກລາດຕະເວນຕາມພື້ນທີ່ສ່ຽງ ເພື່ອ “ຂໍຄວາມຮ່ວມມື” ສຳລັບການອົບພະຍົບພົນລະເມືອງ ເຊິ່ງໜຶ່ງໃນເມືອງທ່ອງທ່ຽວທີ່ສຳຄັນໃນພາກພື້ນ ຄືເມືອງຮິລສະເບີກ ກາຍເປັນເມືອງຮ້າງ ຫຼັງຈາກປະຊາຊົນທັງໝົດ 12 ພັນຄົນ ອົບພະຍົບອອກຈາກເມືອງຕາມຄຳສັ່ງ.

ในภาพอาจจะมี ต้นไม้, กลางคืน, รถยนต์, ท้องฟ้า, ต้นพืช และสถานที่กลางแจ้ง

ລັດຄາລິຟໍເນຍ ຜະເຊີນກັບໄຟປ່າຄັ້ງຮຸນແຮງ ເມື່ອເດືອນຕຸລາ ປີ 2017 ເຮັດໃຫ້ມີຜູ້ເສຍຊີວິດ 44 ຄົນ ຈາກໄຟປ່າທີ່ເກີດຂື້ນຫຼາຍກວ່າ 250 ແຫ່ງ. ໂດຍໄຟປ່າທີ່ຮ້າຍແຮງທີ່ສຸດໃນປະຫວັດສາດຂອງລັດຄາລີຟໍເນຍແມ່ນເກີດຂື້ນເມື່ອປີຜ່ານມາ ຄືໄຟປ່າ “ແຄມປ໌” ພາກຊີວິດປະຊາຊົນ 86 ຄົນ.