ພູຖານ ຄອງອັນດັບ 1 ປະເທດຍອດນິຍົມດ້ານການທ່ອງທ່ຽວໃນປີໜ້າ

374

ໂລນລີ ແພລນເນັດ ເປີດເຜີຍວ່າ: 10 ຈຸດໝາຍປາຍທາງດ້ານການທ່ອງທ່ຽວທີ່ດີທີ່ສຸດ ແລະ ປະເທດທີ່ໃຫ້ປະສົບການທ່ອງທ່ຽວແບບຍືນຍົງ ປະຈໍາປີ 2020 ໂດຍປະເທດທີ່ຕິດອັນດັບຕົ້ນໆ ມີ: ພູຖານ, ໂມຣ໊ອກໂຄ ແລະ ອາຣູບາ.

ໂລນລີ ແພລນເນັດ ວາລະສານດ້ານການທ່ອງທ່ຽວຊັ້ນນໍາຂອງໂລກ ໄດ້ເຜີຍແຜ່ການຈັດອັນດັບ 10 ປະເທດ ຈຸດໝາຍປາຍທາງດ້ານການທ່ອງທ່ຽວຊັ້ນນໍາຂອງໂລກ ແລະ ປະເທດທີ່ໃຫ້ປະສົບການການທ່ອງທ່ຽວແບບຍືນຍົງ ໃນປີ 2020 ໂດຍອັນດັບ 1 ຄື: ປະເທດພູຖານ ເປັນປະເທດໃນອາຊີທີ່ມີຂະໜາດນ້ອຍ ແລະ ມີພູຈຳນວນຫຼາຍຕັ້ງຢູ່ສາຍພູຫິມາໄລ ລະຫວ່າງປະເທດອິນເດຍ ກັບ ຈີນ.

ອັນດັບ 2 ອັງກິດ, ອັນດັບ 3 ມາເຊໂດເນຍເໜືອ, ອັນດັບ 4 ອາຣູບາ ດອນທີ່ມີຄວາມຍາວ 32 ກິໂລແມັດ ຕັ້ງຢູ່ໃນດອນເລດເຊີທິນລິດ ໃນທະເລແຄຣິບບຽນ ຢູ່ຫ່າງຈາກແຫຼມປາຣາກົວນາ ປະເທດເວເນຊູເອລາ ໄປທາງເໜືອ 27 ກິໂລແມັດ.

ອັນດັບ 5 ປະເທດສະວາຊີແລນ, ອັນດັບ 6 ຄອດຕາຣິກາ, ອັນດັບ 7 ໂຮນລັງ, ອັນດັບ 8 ໄລບີເຣຍ, ອັນດັບ 9 ໂມຣ໊ອກໂຄ ແລະ ອັນດັບ 10 ອູຣຸກວາຍ.