ແຂວງຫຼວງພະບາງ ເສຍຊີວິດຍ້ອນໂຄວິດ 1 ກໍລະນີ ເປັນຜູ້ທຳອິດຂອງແຂວງ

55

ມື້ນີ້ເສຍຊີວິດເພີ່ມ 1 ຄົນ, ເຊິ່ງເຮັດໃຫ້ມາຮອດວັນທີ 13 ຕຸລາ ມີຍອດຜູ້ເສຍຊີວິດສະສົມເປັນ 36 ຄົນ, ຍອດຜູ້ຕິດເຊື້ອສະສົມ 30.615 ຄົນ ປິ່ນປົວຫາຍດີ 315 ຄົນ.

ຂໍ້ມູນຜູ້ເສຍຊີວິດໃໝ່ມື້ນີ້ 1 ກໍລະນີ ເປັນເພດຊາຍ ອາຍຸ 60 ປີ, ບ້ານນາຫຼວງ ນະຄອນຫຼວງພະບາງ ແຂວງຫຼວງພະບາງ ຜູ້ກ່ຽວມີພະຍາດປະຈໍາຕົວ ຄືເປັນອໍາມະພາດ ແລະ ໄຂ່ຫຼັງຊຸດໂຊມ.

No photo description available.

ເຊິ່ງບໍ່ໄດ້ສັກຢາວັກແຊັງປ້ອງກັນໂຄວິດ-19, ຜູ້ກ່ຽວມາໂຮງໝໍໃນວັນທີ 9 ຕຸລາ 2021 ຍ້ອນຫາຍໃຈຝຶດ ແລະ ແໜ້ນໜ້າເອິກ. ວັນທີ 10 ຕຸລາ ໄດ້ເກັບຕົວຢ່າງມາກວດຊອກຫາເຊື້ອ ແລະ ຜົນກວດພົບເຊື້ອໂຄວິດ-19 ໃນວັນທີ 11 ຕຸລາ 2021. ມາຮອດວັນທີ 13 ຕຸລາ 2021 ຜູ້ກ່ຽວເສຍຊີວິດລົງ.

ກໍລະນີສະມາຊິກໃນຄອບຄົວຜູ້ໃດໜຶ່ງເສຍຊີວິດຍ້ອນພະຍາດໂຄວິດ-19 ຄະນະສະເພາະກິດຂອງແຂວງບໍ່ສາມາດມອບສົບໃຫ້ກັບຄອບຄົວໄປບໍາເພັນກຸສົນໄດ້ ເພື່ອບໍ່ໃຫ້ເຊື້ອພະຍາດແຜ່ກະຈາຍ ເວລາໄປສົ່ງສະການກໍໃຫ້ມີແຕ່ຍາດພີ່ນ້ອງຄອບຄົວເປັນວົງແຄບ ແລະ ຢູ່ຫ່າງໄກ.

ຈາກ: ຂ່າວສານຫຼວງພະບາງ Luangprabang News