ຂ່າວເສົ້າ! ພົບຜູ້ເສຍຊີວິດຈາກເຊື້ອໂຄວິດເພີ່ມ 1 ກໍລະນີ

351

ມື້ນີ້ເປັນມື້ທຳອິດທີ່ພົບຜູ້ເສຍຊີວິດເພີ່ມ 1 ກໍລະນີ ແລະ ຕິດເຊື້ອໂຄວິດ-19 ທັງໝົດ 547 ຄົນ, ນໍາເຂົ້າ 12 ຄົນ, ຊຸມຊົນ 535 ຄົນ, ໃນນັ້ນຫຼາຍກວ່າໝູ່ແມ່ນນະຄອນຫຼວງວຽງຈັນ 173 ຄົນ.

May be an image of 1 person and sitting

ທ່ານ ນາງ ດຣ. ລັດສະໝີ ວົງຄໍາຊາວ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫຼງຂ່າວວ່າ ມາຮອດວັນທີ 29 ກັນຍາ 2021 ເຮົາກວດວິເຄາະທັງໝົດ 7.075 ຄົນ, ຜູ້ຕິດເຊື້ອໃໝ່ 547 ຄົນ, ນໍາເຂົ້າ 12 ຄົນ. ໃນນັ້ນຕິດເຊື້ອໃນຊຸມຊົນ 535 ຄົນ, ໃນນັ້ນ ນະຄອນຫຼວງວຽງຈັນ 173 ຄົນ, ຄໍາມ່ວນ 141 ຄົນ, ຈໍາປາສັກ 61 ຄົນ, ສະຫວັນນະເຂດ 50 ຄົນ, ຫຼວງພະບາງ 49 ຄົນ, ວຽງຈັນ 19 ຄົນ, ສາລະວັນ 15 ຄົນ, ບໍ່ແກ້ວ 11 ຄົນ, ບໍລິຄໍາໄຊ 6 ຄົນ, ໄຊສົມບູນ 4 ຄົນ, ເຊກອງ 2 ຄົນ, ອັດຕະປື 2 ຄົນ, ຫຼວງນໍ້າທາ 1 ຄົນ ແລະ ຊຽງຂວາງ 1 ຄົນ.

ເຊິ່ງມາຮອດປັດຈຸບັນທົ່ວປະເທດມີຜູ້ຕິດເຊື້ອສະສົມທັງໝົດ 23.488 ຄົນ, ເສຍຊີວິດສະສົມ 17 ຄົນ ແລະ ປິ່ນປົວທັງໝົດ 4.766 ຄົນ.