ມອບ-ຮັບເງິນ 5 ຕື້ດົງ ລະຫວ່າງ ກອງບັນຊາການທະຫານເຂດ 4 ສສ ຫວຽດນາມ ກະຊວງປ້ອງກັນປະເທດ ແລະ 6 ແຂວງ ສປປ ລາວ

233

ໃນຕອນເຊົ້າຂອງວັນທີ 27 ຕຸລາ 2021 ໄດ້ມີພິທີມອບ-ຮັບເງິນ 5 ຕື້ດົງ ລະຫວ່າງ ກອງບັນຊາການທະຫານເຂດ 4 ສສ ຫວຽດນາມ ແລະ ກະຊວງປ້ອງກັນປະເທດ ແລະ 6 ແຂວງ ສປປ ລາວ ທີ່ຫ້ອງປະຊຸມດ່ານສາກົນນໍ້າພາວ – ເກົາແຈວ ເມືອງຈົ່ງເຕີມ ແຂວງຮ່າຕິ່ງ ສສ ຫວຽດນາມ ຝ່າຍ ສປປ ລາວ ເຊິ່ງເງິນຈຳນວນດັ່ງກ່າວກໍເພື່ອນຳໃຊ້ເຂົ້າໃນວຽກງານປ້ອງກັນ, ຄວບຄຸມ ແລະ ການແກ້ໄຂການລະບາດພະຍາດໂຄວິດ – 19 ຢູ່ກົມກອງ ແລະ ບັນດາແຂວງຕ່າງໆ.

ນຳໂດຍ ທ່ານ ພົນຕີ ຈັນທອງ ສອນຕະອາດ ຮອງລັດຖະມົນຕີ, ວ່າການຫົວໜ້າກົມໃຫຍ່ເສນາທິການກະຊວງປ້ອງກັນປະເທດ, ຝ່າຍກອງບັນຊາການ ທະຫານເຂດ 4 ສສ ຫວຽດນາມ.

ທ່ານ ພົນຕີ ຫງວຽນຊວ້ານແອັງ ກຳມະການສູນກາງພັກ, ຄະນະພັກການທະຫານສູນກາງ, ຫົວໜ້າກອງບັນຊາການທະຫານເຂດ 4;  ມີການນໍາຈາກ 6 ແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ,   ເງິນຈຳນວນ 5 ຕື້ດົງ ທີ່ກອງບັນຊາການທະຫານເຂດ 4 ມອບໃຫ້ຄັ້ງນີ້ ປະກອບມີ: ມອບໃຫ້ກະຊວງປ້ອງກັນປະເທດ 2  ຕື້ດົງ, ມອບໃຫ້ແຂວງສາລະວັນ, ສະຫວັນນະເຂດ, ຄຳມ່ວນ, ບໍລິຄຳໄຊ, ຊຽງຂວາງ ແລະ ແຂວງໄຊສົມບູນ ແຂວງ ລະ 500 ລ້ານດົງ.

ເຊັນຮັບເງິນຈຳນວນ 2 ຕື້ດົງ ໂດຍ ທ່ານ ພົນຕີ ຈັນທອງ ສອນຕະອາດ ຮອງລັດຖະມົນຕີ, ວ່າການຫົວໜ້າກົມໃຫຍ່ເສນາທິການກະຊວງປ້ອງກັນປະເທດ, ລົງນາມເຊັນມອບໂດຍ ທ່ານ ພົນຕີ ຫງວຽນຊວ້ານແອັງ ກຳມະການສູນກາງພັກ, ຄະນະພັກການທະຫານສູນກາງ, ຫົວໜ້າກອງບັນຊາການທະຫານເຂດ 4 ເຊັນມອບເງິນ ຈຳນວນ 500 ລ້ານດົງ ໃຫ້ 6 ແຂວງ ໂດຍທ່ານ ພົນຈັດຕະວາ ຮ່າເຕິນຕຽນ  ຮອງຫົວໜ້າກອງບັນຊາການທະຫານເຂດ 4 ສໍາລັບແຂວງບໍລິຄໍາໄຊ ເຊັນຮັບໂດຍ ທ່ານ ຄຳແຫວນ ປັນຍານຸວົງ ຮອງເຈົ້າແຂວງບໍລິຄຳໄຊ ຫົວໜ້າຄະນະສະເພາະກິດຂັ້ນແຂວງ.

ທ່ານ ຄຳແຫວນ ປັນຍານຸວົງ ຮອງເຈົ້າແຂວງບໍລິຄຳໄຊ ຕາງໜ້າໃຫ້ຄະນະພັກ – ຄະນະປົກຄອງແຂວງ ຍັງໄດ້ເປັນກຽດມອບໃບກຽດຕິຄຸນຂອງແຂວງໃຫ້ກອງບັນຊາການທະຫານເຂດ 4 ສສ ຫວຽດນາມ ທີ່ມີຜົນງານດີເດັ່ນປະກອບສ່ວນເຂົ້າໃນການພັດທະນາແຂວງບໍລິຄຳໄຊ.

ຂ່າວ – ຮູບ: ສາຍສະໝອນ