ສູນເລືອດແຂວງອຸດົມໄຊ ລົງຮັບບໍລິຈາກເລືອດ ຢູ່ ໂຮງຮຽນ ມສ ເມືອງຮຸນ ແລະ ມສ ສີບຸນເຮືອງ

191

ຫວ່າງວັນທີ 26-27 ຕຸລານີ້ ສູນເລືອດແຂວງອຸດົມໄຊ ລົງຮັບບໍລິຈາກເລືອດຢູ່ 2 ໂຮງຮຽນ ຄື: ໂຮງຮຽນ ມັດທະຍົມສົມບູນ ເມືອງຮຸນ ແລະ ໂຮງຮຽນ ມັດທະຍົມສົມບູນ ສີບຸນເຮືອງ, ເມືອງຮຸນ, ແຂວງອຸດົມໄຊ

ເຂົ້າຮ່ວມພິທີມີ ທ່ານ ທອງຈັນ ສຸກສັກດາ ຮອງຫົວໜ້າອົງການກາແດງແຂວງ, ທ່ານ ຫຸມເພັງ ດວງດາລາເພັງ ຈາກໜ້າຫ້ອງການສຶກສາທິການແລະ ກິລາ ເມືອງຮູນ, ມີຄູ-ອາຈານ ແລະນ້ອງນັກຮຽນເຂົ້າຮ່ວມທັງໝົດ 915 ນ້ອງ, ຍິງ 381 ນ້ອງ ແລະມີຜູ້ສະໝັກໃຈບໍລິຈາກເລືອດທັງໝົດ 24ນ້ອງ, ຍິງ 7 ນ້ອງ ສາມາດບໍລິຈາກແລະໄດ້ເລືອດຕົວຈິງ 18 ຖົງ.

ຈາກນັ້ນ ທ່ານຮອງຫົວໜ້າອົງການກາແດງແຂວງ ກໍສະແດງຄວາມຂອບໃຈມາຍັງການນຳເມືອງ, ຄະນະອຳນວຍການສອງໂຮງຮຽນທີ່ເຫັນຄວາມສຳຄັນຂອງວຽກງານບໍລິຈາກເລືອດ ເພື່ອຊ່ວຍເຫຼືອສັງຄົມ ກໍຄື ວຽກງານມະນຸດສະທຳ.

ວິທະຍຸໂທລະພາບ ແຂວງ ອຸດົມໄຊ