ຊົມເຊີຍເດີ! ຊາວ​ໜຸ່ມ​ ໄຊ​ຍະ​ບູ​ລີມອບເຄື່ອງຊ່ວຍ​ເຫຼືອ ໃຫ້​ຊາວ​ໜຸ່ມ​ຫຼວງ​ພະ​ບາງ

112

ເພື່ອ​ເປັນ​ການ​ປະ​ກອບ​ສ່ວນ​ໃນ​ການ​ຕ້ານ ແລະ ສະ​ກັດ​ກັ້ນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ -19 ​ຢູ່​ແຂວງຫຼວງ​ພະ​ບາງ, ໃນວັນທີ 26 ຕຸ​ລານີ້ ທີ່​​​ຈຸດ​ດ່ານກວດ​ກາ​ສົ້ນ​ຂວາ​ທ່າ​ເດື່ອ, ຄະນະ​ບໍ​ລິ​ຫານ​ງານ​ຊາວ​ໜຸ່ມ​ແຂວງໄຊ​ຍະ​ບູ​ລີ ໄດ້​ນຳ​ເອົາ​ເຄື່ອງ​ຊ່ວຍ​ເຫຼືອ​ໄປ​ມອບ​ໃຫ້​ແກ່​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມແຂວງຫຼວງ​ພະ​ບາງ

ຊຶ່ງນຳ​ໂດຍ ສະ​ຫາຍ ໜູ​ໄຊ ນໍ​ກີ​ຢາ ກຳ​ມະ​ການ​ສູນ​ກາງ ຊ​ປ​ປ​ລ ກຳ​ມະ​ການ​ພັກ​ແຂວງ ເລ​ຂາ​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ແຂວງ ພ້ອມ​ດ້ວຍ​ຄະ​ນະ​.

ເຄື່ອງ​ທີ່​ນຳ​ໄປ​ມອບ​ໃນ​ຄັ້ງ​ນີ້ປະ​ກອບ​ມີ ​ນ້ຳ​ດື່ມ, ຜ້າ​ປິດ​ປາກ ແລະ ເຈວ​ລ້າງ​ມື ລວມມູນຄ່າ 6 ລ້ານກີບ ຊຶ່ງ​ກ່າວ​ຮັບ​ໂດຍ ສະ​ຫາຍ ໄຊ​ນະ​ຄອນ ສຸດ​ທິ​ດາ ກຳ​ມະ​ການ​ສູນ​ກາງ ຊ​ປ​ປ​ລ ເລ​ຂາ​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ແຂວງຫຼວງ​ພະ​ບາງ.