ຫຼາຍພາກສ່ວນ ໄດ້ມອບເຄື່ອງຊ່ວຍເຫຼືອ ເພື່ອຕ້ານໂຄວິດ-19 ທີ່ເມືອງຊະນະສົມບູນ ແຂວງຈຳປາສັກ

191

ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ ພ້ອມດ້ວຍ ທ່ານ ແກ້ວລັດຕະນະ ສີຫາວົງ ຄະນະປະຈຳພັກແຂວງ ຮອງປະທານສະພາປະຊາຊົນແຂວງ, ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ປະທານອົງການກວດກາພັກ-ລັດແຂວງ ໄດ້ມອບຕຽງນອນ ຈຳນວນ 100 ຕຽງ ມູນຄ່າ 35.000.000 ກີບ ແລະ ນ້ຳດື່ມຫົວກາຫົວເສືອ ຂະໜາດຕຸກໃຫຍ່-ນ້ອຍ ຈຳນວນ 100 ແພັກ ມູນຄ່າ 3.500.000 ກີບ ລວມູນຄ່າທັງໝົດ 38.500.000 ກີບ ໃນຕອນບ່າຍວັນທີ 27 ກັນຍາ 2021.

May be an image of 6 people and people standing

ພ້ອມດ້ວຍ ບໍລິສັດ ຮອນດ້າປາກເຊ ກໍໄດ້ນຳເອົາເຄື່ອງບໍລິໂພກຈຳນວນໜຶ່ງ ລວມມູນຄ່າ 2.500.000 ກີບ ມອບໃຫ້ກັບຄະນະສະເພາະກິດປ້ອງກັນ, ຄວບຄຸມ ແລະ ສະກັດກັ້ນຕ້ານການແຜ່ລະບາດຂອງພະຍາດໂຄວິດ-19 ເມືອງຊະນະສົມບູນ. ໂດຍເປັນກຽດກ່າວຮັບຂອງ ທ່ານ ສອນສະຫວັນ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງຊະນະສົມບູນ ປະທານຄະນະສະເພາະກິດປ້ອງກັນ ແລະ ຕ້ານພະຍາດໂຄວິດ-19 ຂັ້ນເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ; ພ້ອມນັ້ນກໍຍັງມີຫຼາຍພາກສ່ວນໃນສັງຄົມໄດ້ນຳເອົາເຄື່ອງອຸປະໂພກ-ບໍລິໂພກ ແລະ ເງິນສົດຈຳນວນໜຶ່ງມາມອບໃຫ້ກັບຄະນະສະເພາະກິດປ້ອງກັນ, ຄວບຄຸມ ແລະ ຕ້ານການແຜ່ລະບາດຂອງພະຍາດໂຄວິດ-19.