ຊ່ວຍນ້ອງແດ່!! ນ້ອງຕ້ອງການລົດຍູ້ ພ້ອມອຸປະກອນການຮຽນ

521

ມີຜູ້ໃຊ້ເຟສບຸກໄດ້ມີການໂພສລົງເຟສບຸກ ອອກຊື່  Kham Khamsompu ປະມານວ່າ “ຍັງມີຄວາມຕ້ອງການ ຢາກໃຫ້ຊ່ວຍເຫຼືທ້າວແກ້ວເກີດເມື່ອເວັນທີ18.​8.2009 ເຊິ່ງຄວາມຕ້ອງການຂອງຫຼານນ້ອຍເປັນລໍ້ຍູ້, ໂສ້ງເສື້ອ ແລະ ອຸປະກອນການຮຽນ ປັດຈຸບັນຫຼານນ້ອຍຮຽນຢູ່ຊັ້ນປະຖົມສົມບູນບ້ານກຳກອກ ເມືອງທ່າແຕງ​ແຂວງເຊກອງ”.

ຈາກການສອບຖາມຂໍ້ມູນໃນເບື້ອງຕົ້ນໃຫ້ຮູ້ວ່າ ນ້ອງຄົນນີ້ ຊື່ ທ້າວແກ້ວ ອາຍຸ 10 ປີ ປັດຈຸບັນຢູ່ບ້ານ ຈະກຳ ເມືອງ ທ່າແຕງ ແຂວງເຊກອງ, ກຳລັງຮຽນຢູ່ປະຖົມສົມບູນບ້ານກຳກອກ ເມືອງ ທ່າແຕງ ແຂວງ ເຊກອງ ຊັ້ນປໍ2.  ມີອ້າຍນ້ອງຄີງຮ່ວມກັນທັງໝົດ 4 ຄົນ, ພໍ່ຊື່ແຂງ, ແມ່ຊື່ ຈວງຈັນ. ແຕ່ລະມື້ໄປໂຮງຮຽນແມ່ນພໍ່ເປັນຜູ້ໄປສົ່ງ, ສ່ວນຕອນກັບແມ່ອ້າຍເປັນຜູ້ໄປຮັບ ເນື່ອງຈາກນ້ອງບໍ່ສາມາດຍ່າງໄປໂຮງຮຽນເອງໄດ້ ເພາະຮ່າງກາຍພິການມາແຕ່ກຳເນີດ ແລະ ເຮືອນກໍ່ຫ່າງໄກຈາກໂຮງຮຽນປະມານ 1-2 ຫຼັກ.

 ສຳລັບທ່ານໃດຢາກຊ່ວຍເຫຼືອນ້ອງສາມາດຊ່ວຍໄດ້ທີ່ໂຮງຮຽນ ບ້ານກຳກອກ ເມືອງ ທ່າແຕງ ແຂວງ ເຊກອງ ຫຼື ຕິດຕໍ່ເບີໂທພໍ່ຂອງນ້ອງໄດ້ຜ່ານເບີ 030 939 3439 ໄດ້ ຂໍຄວາມຊ່ວຍເຫຼືອນ້ອງດ້ວຍ!!!